Transferimi më i bujshëm këtë merkato ishte Taulant Seferi te Tirana. Ai vjen i huazuar nga Young Boys deri në qershor. Ai tha se nuk mendonte se do të transferohej në Shqipëri, por pas një telefonate e pranoi me shumë qejf ofertën e kampionëve. Seferi nuk e fshehu faktin se kishte pasur kontakte edhe me Partizanin, por e kishte ndarë mendjen që, nëse vinte në Superiore, i vetmi klub do të ishin bardheblutë. Ai i ka lavdëruar të gjithë shokët e rinj të skuadrës dhe thotë se Tirana ka shumë lojtarë të rinj dhe premtues. Ëndrra e tij është të shpallet kampion me kryeqytetasit. Gjithashtu Seferi ka folur edhe për Kombëtaren, ku po pret me padurim eleminatoret e kampionatit botëror “Katar 2022”.
Shfaq Komentet (0)