BLUETOOTH

Prapaskenat e arratisjes së Fjolla Morinës. Nga mashtrimi për moshën, te largimi së bashku me partnerin e saj

12:10 - 23.01.21 Gazeta Shqiptare
GSH APP Download on Apple Store Get it on Google Play

Ky vit duket se ka qenë shumë i larmishëm për Fjolla Morinën. Pasi gjeti dashurinë, ajo u përball me disa probleme me drejtësinë. Këngëtarja u kap me armë në Morinë dhe për rrjedhojë u dënua me “Arrest shtëpie”. Ai që dukej si një dënim i ashpër për të, u shndërrua në një “muaj mjalti” në Kukës. Fjolla zyrtarizoi marrëdhënien e saj me Fisnik Sylën, duke kaluar së bashku ditë plot me dashuri në Kukës. Por ajo që me muaj na ra në sy, ishte fakti që këngëtarja, edhe pse në arrest shtëpie, shpesh shihej larg shtëpisë. “Bluetooth” shkroi disa muaj më parë, se ajo dhe partneri i saj ishin duke shijuar disa ditë në një qytet bregdetar, që në pamje të parë dukej si Saranda.




Dhe, duhet thënë që Saranda dhe Kukësi janë shumë larg me njëri-tjetrin për të respektuar masën e sigurisë. Megjithatë ditët e fundit, ajo është shndërruar në një problem edhe për policinë, që nuk e ka gjetur në shtëpi pas një kontrolli rutinë. Madje jo vetëm kaq, por që prej asaj dite, këngëtarja është shpallur në kërkim. Ajo tashmë akuzohet për veprën penale “Largimi i të burgosurit nga vendi i qëndrimit”, ndërsa më parë është arrestuar pasi u kap në pikën doganore të Morinës me armë zjarri. Këngëtarja nga Kosova, Fjolla Morina u kap më 19 shtator pasi në çantën e dorës iu gjet një armë zjarri tip pistoletë me 23 fishekë, ndërsa në bagazhin e makinës iu gjet një tjetër pistoletë, por që rezultoi të ishte çakmak. Policia ka lëshuar edhe një deklaratë për shtyp lidhur me ngjarjen.

Njoftimi i policisë

“Më datë 20.01.2021 u referuan materialet në Prokurorinë pranë Gjykatës së Shkallës së Parë Kukës, për veprën penale “Largimi i të burgosurit nga vendi i qëndrimit”, në ngarkim të shtetases F. M., 34 vjeçe, banuese në Prishtinë, e cila është me masë sigurie “Arrest në shtëpi”, të caktuar nga Gjykata e Shkallës së Parë Kukës, pasi gjatë kontrollit të ushtruar nga Policia nuk është gjetur në banesë. Po punohet për kapjen e saj”.

Kujtojmë se pak ditë më parë, këngëtarja festoi ditëlindjen. Ashtu si u duk edhe nga festa, lulet, dhuratat dhe dekorimi mbanin numrin 30, duke menduar se Fjolla mbushte 30 vjeç, por në njoftimin e policisë, vihet re se ajo është 34 vjeçe. Në fakt, ajo që dihet është se Fjolla mund të jetë larguar me partnerin e saj, Fisnik Sylën. Ashtu si është bërë e ditur tashmë, Fisniku është një biznesmen i njohur, i cili ka biznese edhe jashtë vendit. Ndoshta dyshja ka vendosur të arratiset drejt një jete të re jashtë. Mbetet për t’u parë sesi do të shkojë “telenovela” e Fjollës në ditët në vijim.


Shfaq Komentet (0)

Shkruaj nje koment

Your email address will not be published. Required fields are marked *

* *

This site uses Akismet to reduce spam. Learn how your comment data is processed.