Aktualitet

Covid-19/ Mjeku ngre alarmin: Spitalet rajonale janë në kaos si pasojë e mbingarkesës, qytetarët preferojnë të kurohen në shtëpi

20:13 - 26.01.21 gsh

Mjeku Erion Dasho ka ngritur alarmin se situata në spitalet rajonale është në kaos, si pasojë e mbingarkesës nga pacientët e infektuar me koronavirus.



Përmes një postimi në ‘Facebook’, mjeku shkruan se familjarët e pacientëve refuzojnë transferimin në Tiranë dhe preferojnë trajtimin në shtëpi, duke rrezikuar kështu jetën.

 

Postimi i plotë:

Spitalet Rajonale në kaos si pasojë e mbingarkesës me pacientë të prekur nga COVID!

Familjarët e pacientëve refuzojnë transferimin në Tiranë dhe, kur nuk u ofrojnë vende në spitalin rajonal, preferojnë të trajtohen në shtëpi duke rrezikuar seriozisht jetën dhe shkatërruar ekonominë!

7, 8 apo 9 humbjet e jetëve që raportohen çdo ditë janë vetëm një fraksion i numrit real të vdekjeve duke injoruar pacientët që vdesin në spitale rajonale, shtëpi, madje edhe në spitalet COVID (por që ministria dhe komiteti vazhdojnë t’i klasifikojnë si “SARS-CoV-2 negativë”!

Ministria vazhdon të mbajë stadiumin hapur dhe ende nuk ka përfunduar 975 vaksinat e “kontrabanduara” para tre javësh, kurse përqindja e rasteve që testojnë pozitiv në raport me rastet e testuara ka kaluar sërish mbi 25%!

Katastrofa shëndetësore e paralajmëruar prej muajsh të tërë është ulur këmbëkryq në Shqipëri këtë fund janari…

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

This site uses Akismet to reduce spam. Learn how your comment data is processed.