Sot bëhet plot 1 vit nga aksidenti tragjik ajror, i cili i mori jetën legjendës së basketbollit, Kobe Bryant, vajzës së tij 7-vjeçare Gianna dhe 7 personave të tjerë.
Koha nuk ka mundur të lehtësojë dhimbjen për familjen e basketbollistit të ndjerë, sidomos bashkëshortes, Vanessa Bryant. Kjo e fundit ka ndarë në ‘’Instagram’’ një letër nga një mikeshë e Gianna-s, e cila ka treguar kujtimet e saj me të ndjerën.
“Sot mora këtë letër të ëmbël nga një prej miqve më të mirë të Gianna-s, Aubrey. Të dua Aubz (siç e thërriste gjithmonë Gigi im). Faleminderit shumë që ndan disa nga kujtimet e tua me Gigi tim dhe më lejon t’i ndaj ato këtu në shoqërinë time. Gigi im ishte e jashtëzakonshme dhe unë e vlerësoj vërtet shumë letrën tënde të zhytur në mendime. Ajo të do kaq shumë. Më mungon shumë vajza ime dhe Kob-Kob gjithashtu. ️
Kurrë nuk do ta kuptoj se si kjo tragjedi u ka ndodhur njerëzve më të mirë dhe të mrekullueshëm. Akoma nuk e besoj që është e vërtetë edhe pse ka kaluar 1 vit. Kob, në bëmë gjithçka mirë. Gigi, ti akoma e bën krenare mamin. Ju dua shumë”-shkruan Vanessa.
