Organizata Botërore e Shëndetësisë (OBSH) ka lëshuar disa udhëzime të reja për vaksinën Moderna Covid-19, pasi ajo nuk duhet të përdoret nga gratë shtatzëna.
Grupi Këshillues Strategjik i Ekspertëve i OBSH-së (SAGE) për Imunizimin lëshoi një seri rekomandimesh mbi vaksinën Moderna , duke këshilluar që gratë shtatzëna të mos e marrin nëse nuk janë punonjëse shëndetësore ose me rrezik veçanërisht të lartë të ekspozimit.
“Ndërsa shtatzënia i vë gratë në një rrezik më të lartë të COVID-19 të rëndë, përdorimi i kësaj vaksine në gratë shtatzëna aktualisht nuk rekomandohet,” shkroi SAGE.
Drejtori i OBSH-së për imunizim Kate O’Brien tha se provat klinike të vaksinës Moderna ishin të nevojshme për gratë shtatzëna.
Raporti gjithashtu theksoi se vaksina duhet të administrohet në dy doza me një interval prej 28 ditësh , me mundësinë e zgjatjes së këtij intervali deri në 42 ditë nëse është e nevojshme.
Raporti SAGE gjithashtu theksoi nevojën që vaksina të administrohet në ambientet ku trajtimet për reaksione alergjike janë në dispozicion. Grupi i ekspertëve lëshoi udhëzime për vaksinën rivale Pfizer / BioNTech disa javë më parë.
Qendrat për Kontrollin dhe Parandalimin e Sëmundjeve në Shtetet e Bashkuara dhe Komiteti i Pavarur Këshillëdhënës për Praktikat e Imunizimit thanë se nuk kishte prova të mjaftueshme për të sugjeruar se vaksinat Moderna dhe Pfizer ishin të përshtatshme ose jo për gratë shtatzëna, pasi asnjëra nuk përmban vetë virusin dhe për këtë arsye nuk mund të shkaktojnë Covid-19.
Shëndeti Publik në Angli e mbështet këtë udhëzim, duke thënë se, “Vaksinat e hershme Covid-19 nuk përmbajnë organizma që mund të shumohen në trup, kështu që ata nuk mund të infektojnë një fëmijë të palindur në bark.”
