Analisti Skënder Minxhozi, i ftuar në emisionin “Real Story” në “News 24”, ka komentuar deklaratën e presidentit Meta, se do të japë dorëheqjen, në rast se Rama merr 71 vota pa i vjedhur.
Minxhozi thekson se Meta me këtë deklaratë, paralajmëroi se nuk do të njohë zgjedhjet.
“Data 2 mars 2020 ishte një datë, pak përpara se në Shqipëri të gjurmoheshin raste të koronavirusin. Meta donte të bashkonte Presidencën me opozitën. Mesazhet aty ishin të pazakonta. Ishte një president që luan me flamujt dhe që i puthte, paralajmëron se do të shkojë në parlament.
Fjala e ka humbur peshën në Shqipëri. Zgjedhjet me një parti ishin gjë e shëmtuar. Asnjë presje dore s’do ketë. Presidenti tha se do iki, nëse Rama fiton. Meta tha dje se nuk do njohë zgjedhjet”, tha Minxhozi.
