Kryesore

U arrestua pas një konflikti, reagon për herë të parë avokati i moderatorit të njohur

12:09 - 03.03.21 gsh
GSH APP Download on Apple Store Get it on Google Play

Moderatori Meriton Mjekiqi është arrestuar mbrëmjen e djeshme në Prishtinë, pas një konflikti të ndodhur pranë Ambasadës Amerikane në Kosovë.




“Në ora 22:20, policia është njoftuar për një rast, në të cilin janë përfshirë dy vetura, konkretisht drejtuesit e tyre. Rasti, sipas informatave fillestare, ka ndodhur si pasojë e mosmarrëveshjeve në trafik të drejtuesve të dy makinave. Rasti është duke u trajtuar në SP ‘Jugu’ në Prishtinë”, thuhet në njoftimin e policisë.

Pas marrjes në pyetje, moderatori është lënë i lirë dhe kjo gjë është konfirmuar nga avokati i tij, Asdren Hoxha. Ky i fundit ka publikuar në Facebook një foto, ku shfaqet pranë moderatorit, dhe hedh poshtë dyshimet se ai mund të ndodhet në arrati.

Hoxha shton se Mjekiqi është i lirë dhe nuk është intervistuar asnjëherë nga policia për gjuajte me armë, siç u raportua nga disa media.

“Meriton Mjekiqi është i lirë…Unë jam avokat i tij edhe njoftoj opinionin se nuk është intervistuar për kurrëfarë gjuajtje me armë. Nuk ka qenë në arrati edhe ky lloj informimi nga mediat pa kurrëfarë konfirmimi zyrtar paraprak është brengosës…Në këtë rast është provokuar gazetari në rrugë edhe kjo është e vërteta…U dridh mali e u lind miu”, ka shkruar avokati në Facebook.

 

 


Shfaq Komentet (0)

Shkruaj nje koment

Your email address will not be published. Required fields are marked *

* *

This site uses Akismet to reduce spam. Learn how your comment data is processed.