BOTA

Franca thërret 4,400 oficerë policie për izolimin në Paris, mes refuzimit të rregullave e shtimit të infektimeve

20:09 - 05.03.21 Gazeta Shqiptare
GSH APP Download on Apple Store Get it on Google Play

Autoritetet franceze janë zotuar të shtojnë prezencën e policisë nëpër rrugë kësaj jave teksa vendi nuk po arrin të zbatojë me sukses izolimin prej orës 18.00 deri në 06.00, si në kryeqytet ashtu dhe në rang vendi.




“Nëse policia gjen grupe njerëzish ku nuk ruhet distanca sociale në veçanti në brigjet e lumit Seine apo në parqet publike, ata janë instruktuar të vazhdojnë me evakuimin e tyre”, tha sot policia e Parisit, teksa njoftonte mobilizimin e 4,400 oficerëve në fundjavë.

Policia nxiste gjithashtu njerëzit që të reduktonin kontaktet e tyre me një maksimum prej gjashtë njerëzish dhe të shmangnin udhëtimet jashtë zonës së tyre urbane, për të parandaluar përhapjen e virusit.

“Nëse gjatë grumbullimeve në vende publike zbulohet se nuk respektohen masat sanitare, njerëzit do të shpërndahen menjëherë”, shtohet në deklaratë.

Që prej mesit të janarit vendi ka vendosur orën policore 6 pasdite deri në 6 të mëngjesit, por shumë dyshime janë hedhur mbi efektivitetin e saj pasi numri i infektimeve me Covid-19 ka vijuar rritjen.

Dje kryeministri Jean Castex u tërhoq nga planet e propozuara për izolim total në fundjavë, kurse kryebashkiaku i Parisit ka kërkuar mbyllje trejavore për vënien nën kontroll të virusit.

Protesta të vazhdueshme ka pasur në Paris kundër masave të izolimit, të organizuar nga punëtorë, artistë dhe profesionistë të fushave të tjera.

 


Shfaq Komentet (0)

Shkruaj nje koment

Your email address will not be published. Required fields are marked *

* *

This site uses Akismet to reduce spam. Learn how your comment data is processed.