Kronikë

Kanabis, dhunë e grabitje, arrestohen 14 persona në Tiranë

09:11 - 14.06.21 gsh
GSH APP Download on Apple Store Get it on Google Play

14 persona kanë rënë në prangat e policisë për vepra të ndryshme penale.




Specialistët për Hetimin e Narkotikëve bënë arrestimin e katër të rinjve, përkatësisht E. S., 25 vjeç, L. V., 20 vjeç, M. H., 20 vjeç dhe J. C., 20 vjeç. Katër personat u arrestuan pasi gjatë kontrollit fizik të ushtruar iu gjetën dhe sekuestruan lëndë narkotike kanabis.

Gjithashtu nga specialistët për Hetimin e Krimit në Komisariatin e Policisë Nr.1 u bë arrestimi i 43-vjeçarit Sh.D për shkak se në kundërshtim me vendimin e Gjykatës ka dhunuar fizikisht dhe psikologjikisht motrën e tij. Sipas policisë bëhet me dije se motra ka qenë e pajisur me urdhër-mbrojtje.

Ndërkohë një tjetër person është arrestuar për dhunë fizike dhe psikologjike. Në pranga ka rënë 35-vjeçari E.K pasi ka dhunuar bashkëshorten e tij.

Po ashtu nga specialistët për Hetimin e Krimit në Komisariatin e Policisë Nr.6 u bë arrestimi në flagrancë 18-vjeçarit F. Sh., si dhe u referuan materialet për 2 të mitur, 12 dhe 13 vjeç, pasi në bashkëpunim me njëri-tjetrin kanë vjedhur një sasi parash në furrën e bukës, në pronësi të K. H.

Nga specialistët për Hetimin e Krimit në Komisariatin e Policisë Kavajë u bë arrestimi i 37-vjeçarit B. T., pasi ka thyer masën e sigurisë “Arrest në shtëpi” dhe është konstatuar jashtë banese.

Sakaq specialistët e Qarkullimit Rrugor bënë arrestimin në flagrancë të:

-K.Sh., 39 vjeç, K. B., 51 vjeç dhe Gj. N., 61 vjeç, pasi janë kapur duke drejtuar mjetet përkatëse në gjendje të dehur;

-D.M., 39 vjeç, pasi u kap duke drejtuar mjetin pa lejen përkatëse dhe në gjendje të dehur;

-G.I., 43 vjeç dhe A. B., 38 vjeç, pasi janë kapur duke drejtuar mjetet pa lejen përkatëse.

Ndërkohë materialet u referuan në Prokurorinë pranë Gjykatës së Shkallës së Parë Tiranë, për veprime të mëtejshme.


Shfaq Komentet (0)

Shkruaj nje koment

Your email address will not be published. Required fields are marked *

* *

This site uses Akismet to reduce spam. Learn how your comment data is processed.