Në Gjirokastër është përkujtuar sot “Dita e Dëshmorëve Nacionalistë”.
Në ceremoninë e organizuar në kujtim të betejës së 14 shtatorit 1943, pranë varrezës së të rënëve në Gërhot në hyrje të qytetit të Gjirokastrës, ku prehen eshtrat e 36 luftëtarëve nacionalistë, morën pjesë familjarë dhe përfaqësues të shoqatave nacionaliste, por ndryshe nga vitet e kaluara u vu re mungesa e krerëve të politikës së djathtë.
Edhe në këtë 78 – vjetor nacionalistët gjirokastritë e kanë zhvilluar të ndarë ceremoninë përkujtimore, ndonëse drejtues të tyre bën thirrje për bashkim të shqiptarëve pa ngjyrime partiake, në të mirë të atdheut.
Gjatë fjalës së tij ish-Sekretari Organizativ dhe ish-Anëtari i Kryesisë së partisë së Ballit Kombëtar, Muharrem Xhaferi u shpreh se e vërteta e ngjarjes së 14 shtatotit 1943 ende qëndron e pazbardhur nga historia.
“E vërteta e ngjarjes së 14 shtatorit 1943 ende qëndron e pazbardhur nga historia. Studiuesit e historisë mendojnë se çeta e Hysni Lepenicë ishte tradhëtuar nga bashkëpunëtorë shqiptarë të pushtuesve”- tha ai.
