Sekretari i Përgjithshëm i LSI, Endrit Braimllari, reagon për vrasjen e efektivit të Policisë së Lezhës, Saimir Hoxha, gjatë aksionit për zbulimin e parcelave me kanabis.
Braimllari shkruan në një postim në “Facebook” se sot Policia e Shtetit është e pamotivuar dhe e pa mbështetur nga qeveria.
Reagimi i Braimllarit:
Ngjarja e rende e ndodhur sot ne Lezhe ku humbi jetën Nen komisari Sajmir Hoxha tregon se ku e ka katandisur Policinë e Shtetit, Rilindja.
Sot, Policia e Shtetit është me e pamotivuar dhe me e pa mbështetur se kurrë nga qeveria.
Efektivet e ndershëm qe duan te ruajnë rendin dhe sigurine publike, te luftojnë aktivitetet kriminale sabotohen për shkak te lidhjes se kësaj qeverie me krimin e organizuar.
Pas 100 ditëshit te vendosur si ultimatum nga kryeministri Rama për Policinë e Shtetit, ku policia duhet te godiste krimin, krimi sot ka guxuar serish duke goditur policinë dhe duke shtuar një tjetër hero ne radhët e saj.
I shpreh ngushëllime familjes se Sajmir Hoxhes, te afermeve dhe te gjithe kolegeve te tij!
