Sulmuesi i Kombëtares Shqiptare të futbollit, Odise Roshi, është bërë baba për herë të parë.
Futbollisti dhe partnerja e tij, Silvi janë bërë prindër të një djali. Ka qenë vetë futbollisti që ka bërë të ditur lajmin përmes një postimi në Instagram, në të cilin po ashtu zbuloi emrin e të birit.
“Mirë se erdhe në këtë botë, engjëll i vogël. Të dua Rois”, – ka shkruar Roshi sipër imazhit familjar ku shihet dora e tij, djalit dhe bashkëshortes.
Në hapësirën e komenteve, futbollisti pranoi urime të shumta nga ana e miqve dhe fansave të tij.
Kujtojmë që 30-vjeçari dhe bashkëshortja e tij kurorëzuan dashurinë në shtator të vitit 2020.
Shfaq Komentet (0)