Aktualitet

Këshilli Bashkiak i Tiranës mban një minutë heshtje për 46 viktimat e aksidentit tragjik në Bullgari

17:32 - 24.11.21 Gazeta Shqiptare

Ka nisur me një minutë heshtje për 46 viktimat e aksidentit tragjik në Bullgari mbledhja e Këshillit Bashkiak të Tiranës.



Në fillim të mbledhjes, kreu i Bashkisë së Tiranës, Erion Veliaj, kërkoi nga anëtarët që në kujtim të viktimave, shumica e të cilëve me origjinë shqiptare, të mbahet një minutë heshtje.

“Me lejen tuaj do të doja të ftoja Këshillin për t’u ngritur në këmbë dhe për të mbajtur një minutë heshtje për viktimat e aksidentit në Bullgari, pjesa më e madhe bashkatdhetarë tanë”, tha Veliaj.

Ngjarja tragjike ndodhi dy ditë më parë në autostradën e Strumës në Bullgari. Sipas hetimeve paraprake, shoferi i autobusit humbi kontrollin e mjetit dhe është përplasur me barrierat anësore.

Si pasojë e përplasjes, autobusi ka shpërthyer në flakë duke sjellë dhe një bilanc tragjik me 46 viktima.

 

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

This site uses Akismet to reduce spam. Learn how your comment data is processed.