OSHEE ka bërë të mundur rikthimin e energjisë elektrike për 160 familje në zonën e Matit.
Sipas OSHEE, në Burrel, është bërë e mundur zëvendësimi i transformatorit në fshatin Zenisht, i cili është vjedhur nga persona ende të pa identifikuar. Pre e vjedhjes një ditë më parë ranë dy transformator në fshatin Zenisht, ndërsa pak javë më parë është vjedhur edhe transformatori i fshatit Batërr e Vogël.
Njoftimi i OSHEE:
Mat, rikthehet energjia për 160 familje, OSHEE zëvendëson transformatorin
Operatori i Shpërndarjes së Energjisë Elektrike në Burrel ka bërë të mundur mbrëmjen e djeshme zëvendësimin e transformatorit në fshatin Zenisht të Njësisë Administrative Lis, i cili u vjedh nga persona ende të paidentifikuar.
160 familjet e këtij fshati ngritën shqetësimin e vjedhjeve të shumta që po ju bëhen prej kohësh.
Sipas banorëve hajdutët kanë vjedhur në fshat edhe lopë e viça, ndërsa nuk ka asnjë të arrestuar nga policia.
Ata vijojnë të apelojnë që fshati i tyre të patrullohet gjatë natës nga forcat e rendit pasi vjedhjet bëhet nga ora 24:00 deri në 4:00 të mëngjesit.
Pre e vjedhjes një ditë më parë ranë dy transformator në fshatin Zenisht, ndërsa pak javë më parë është vjedhur edhe transformatori i fshatit Batërr e Vogël.
