Ambasadorja e SHBA në Tiranë, Yuri Kim ndodhet në Durrës për restaurimin e Murit të Kalasë.
Gjatë fjalës së saj, ajo u shpreh se Shqipëria ka një histori të jashtëzakonshme që duhet ruajtur. Ambasadorja në fjalën e saj ndër të tjera u shpreh se është krenare që SHBA është pjesë kësaj përpjekje rindërtuese përmes fondit të ambasadorëve për ruajtjen e trashëgimisë kulturore.
“Kur erdha këtu në muajin janar ishte duke u bërë një punë e madhe me procesin e rindërtimit që akoma nuk ka mbaruar por vazhdon edhe në ditën e sotme. Shqipëria është një vend i jashtëzakonshëm, ka një histori shumë të pasur, kam pasur mundësinë të vizitoj kështjellat e saj, vepra artit të qyteteve antike.
Kushdo që vjen në Shqipëri ka mundësi të admirojë trashëgimninë kulturore. Ne jemi krenar si ambasadë e SHBA që të jemi pjesë e kësaj përpjekje rindërtuese përmes fondit të ambasadorëve për SHBA për ruajtjen e trashëgimisë kulturore por gjithashtu jemi krenar për ta bërë këtë me miqtë e ambasadës suedeze”, tha Kim.
