BOTA

Fenomeni i çuditshëm në Kolumbi/ Qyteti mbulohet nga re të bardha që kundërmojnë (FOTOT)

14:11 - 29.04.22 Gazeta Shqiptare
GSH APP Get it on Google Play

Një qytet afër kryeqytetit kolumbian Bogota po lufton me “re” të mëdha shkume të bardhë me erë të keqe.



Mendohet se shkaku i kësaj situate janë detergjentët e hedhur në një lumë lokal, të cilët grumbullohen më pas dhe ngjiten pas ndërtesave në Mosquera.

“Era është e tmerrshme, kemi kohë që duhet ta durojmë erën dhe tani me këtë shkumë të madhe kemi frikë se mos jemi në rrezik, rrezik për shëndetin tonë,”- shprehet banorja Luz Mariela Diaz për agjensinë e lajmeve AFP.

Një tjetër grua vendase, Klaudia Esperanza Garzon, i tha agjencisë së lajmeve Reuters se duhej të përdorte një inhalator për të marrë frymë, për shkak të efektit që shkuma i shkaktuar në mushkëri.

Dyqani Luis Romero u ankua se klientët po largoheshin nga era e keqe.

“Kjo shkumë ndikon në gjithçka”, deklaroi ai. “Për shembull, shkuma bie mbi dyer dhe çdo gjë kalbet”.

Gian Gerometta, kryebashkiak i qytetit Mosquera, Kolumbi shkroi në Twitter duke thënë se problemi i mbetjeve dhe detergjenteve në lumin Bojaca po përkeqësohej nga sezoni i shirave dhe lënda bimore në ujë.

Lënda vegjetale po hiqej, tha ai, dhe shkuma duhet të zhduket brenda pak ditësh.

Banorët ankohen se shkuma mund të jetë kancerogjene, por kryebashkiaku Gerometta shtoi se një studim nuk kishte gjetur asnjë efekt anësor deri më tani në shëndetin publik.

Shfaq Komentet (0)

Shkruaj nje koment

Your email address will not be published. Required fields are marked *

* *

This site uses Akismet to reduce spam. Learn how your comment data is processed.