BOTA

Separatistët pro-rusë bllokojnë Facebook-un dhe Instragram-in në Donjeck

17:17 - 11.05.22 Gazeta Shqiptare
GSH APP Get it on Google Play

Separatistët pro-rusë në rajonin lindor të Ukrainës, në Donjeck bënë të ditur se kanë bllokuar qasjen në Facebook dhe Instagram në rajonet që kontrollohen prej tyre që nga viti 2014, të ashtuquajtur Republika Popullore e Donjeckut.




Në një deklaratë për shtyp të publikuar më 11 maj, Ministria separatiste e Komunikacionit deklaroi se ky vendim u mor “për të mbrojtur banorët e RPD nga informacionet e ndaluara që përbëjnë kërcënim për jetën e tyre.”

“Qasja ndaj rrjeteve sociale të Meta – Facebook dhe Instagram – u bllokua në territorin e republikës”, shkruhet në deklaratë, duke shtuar se ky vendim u mor për të parandaluar shpërndarjen e “pornografisë me të mitur, përmbajtjen që propagandon narkotikët, vetë-vrasjet dhe informacione të tjera të ndaluara, përfshi dhe përmbajtje me konotacione ekstremiste dhe terroriste”.

Kompania “Meta Plaforms Inc.”nuk ka dhënë ende asnjë koment mbi deklaratën, e cila vjen në kohën kur Rusia vazhdon të censurojë informacionet online mbi pushtimin e saj të paprovokuar në Ukrainë.

Rregullatori shtetëror rus i komunikacioneve bllokoi qasjen në Instagram menjëherë pas nisjes së pushtimit më 24 shkurt, dhe pasi Meta deklaroi se do të lejonte përdoruesit e mediave sociale në Ukrainë të postonin mesazhe si “Vdekje pushtuesve rusë”.

Rusia mban lidhje të ngushta me Donjeckun dhe një tjetër rajon në lindje të Ukrainës, Luhanskun, dhe ka mbështetur kryengritjet pro-ruse në dy rajonet separatiste, pas aneksimit të Krimesë në vitin 2014./REL


Shfaq Komentet (0)

Shkruaj nje koment

Your email address will not be published. Required fields are marked *

* *

This site uses Akismet to reduce spam. Learn how your comment data is processed.