Kryesore

VIDEO/ Plas keq sherri në Kuvend mes Gazmend Bardhit dhe Edmond Spahos, deputetët çohen nga karriget!

10:56 - 12.05.22 Gazeta Shqiptare
GSH APP Download on Apple Store Get it on Google Play

Është shoqëruar me momente tension seanca e sotme plenare, teksa protagonistë kanë qenë deputetët e opozitës.




Deputeti i PD-së Edmond Spaho dhe deputeti Gazmend Bardhi janë parë teksa flisnin dhe debatuan ashpër me njëri-tjetrin.

Në video shihet kur në karrigen që është i ulur Gazment Bardhi afrohet Jorida Tabaku, Tritan Shehu dhe Edmond Spaho.

Në këto momente mes Spahos dhe Bardhit shihet debati i ashpër, ku janë përdorur dhe fjalët:

“zhduku”, “s’të vjen turp”, “palaço”.

Mësohet se, Edmond Spaho i është drejtuar Gazmend Bardhit me fjalët:

Je shpifës, gënjeshtar dhe legen që thua që vila 760 mije euro është e njërit nga katër deputetët Noka, Shehu, Spaho, Leskaj.

Ndërkohë, Tritan Shehu nga ana tjetër është ngritur nga vendi i tij, ndërsa diçka ka diskutuar me Gazment Bardhin.

Për disa minuta u ndërpre dhe raportimi i drejtorit të Agjencisë të Sigurimit të Depozitave.

“Zotërinj deputetë ju lutem vijojmë me raportimin”, tha kryetarja e Kuvendit Lindita Nikolla më pas.

Shkaku i sherrit mes tyre është bërë deklarata e bërë një ditë më parë në emisionin ‘Open’ të gazetares Eni Vasili nga Gazment Bardhi që tha se një nga deputetët e Rithemelimit “ka një vilë që kushton 760 mijë euro” dhe i ka akuzuar si peng të Edi Ramës.


Shfaq Komentet (0)

Shkruaj nje koment

Your email address will not be published. Required fields are marked *

* *

This site uses Akismet to reduce spam. Learn how your comment data is processed.