Një qytetar nga Himara ka kërcënuar gjatë emisionin televiziv “Me Zemër të Hapur” se do të vetëvritej. Shtetasi me iniciale A. K., bëri deklaratën pas një konflikti me familjarët e gruas. Gazetarja e emisionit ka kontaktuar me efektivët e policisë të cilët kanë lokalizuar vendndodhjen e tij në shëtitoren e Himarës. Sipas uniformave blu, ai aktualisht ndodhet gjendje të stabilizuar psiko-emocionale
Njoftimi i Policisë Himarë:
Më datë 13.05.2022, rreth orës 11:42, në sallën operative të DVP Vlorë, ka telefonuar gazetarja e emisionit “Me zemër të hapur”, shtetasja A. A., e cila ka njoftuar se gjatë një komunikimi me shtetasin A. K., pas një konflikti me familjarët e bashkëshortes së tij, ky shtetas i ka deklaruar se do te vetëvritej. Menjëherë pas telefonatës, shërbimet e Komisariatit të Policisë Himarë vlerësuan situatën dhe, në bazë të informacioneve të marra në rrugë policore, bënë të mundur lokalizimin e shtetasit A. K., në shëtitoren e Himarës. Pas komunikimit me shërbimet e Policisë dhe me psikologun, ju bëjmë me dije se shtetasi A. K., aktualisht, ndodhet në gjendje të stabilizuar psiko-emocionale.