Evertoni arriti një përmbysje të çmendur në sfidën përballë Kristal Palas për të siguruar automatikisht mbijetesën në Premier Ligë, pas një sezoni të dështuar.
Për këtë arritje, tifozët vendosën ta festonin në fushën e “Goodison Park”, ku situata doli jashtë kontrollit.
Njëri prej tifozëve shkoi drejt teknikut të Kristal Palas, Patrik Viera, duke i bërtitur me një kamerë në dorë dhe duke e ofenduar me gishtin e mesit.
Kjo gjë e ka acaruar trajnerin francez, i cili filloi ta godiste me shqelma dhe me shuplaka tifozin duke e rrëzuar këtë të fundit në tokë.
Siç bëjnë me dije në Angli, Viera tashmë po investigohet dhe nga policia për këtë veprim që kreu.
Shfaq Komentet (0)
