Një ngjarje e rëndë është regjistruar mbrëmjen e sotme në qytetin e Sarandës, ku një person ka mbetur i plagosur rëndë pasi është goditur me thikë nga një tjetër person, pas një konflikti mes tyre.
Ngjarja ka ndodhur në lagjen nr.1 të qytetit, ndërsa sipas bluve të Sarandës, i plagosuri është dërguar me urgjencë drejt spitalit rajonal, ku po merr ndihmën e nevojshme mjekësore.
Njoftimi i Policisë Sarandë:
Informacion paraprak/ Më datë 21.05.022, në lagjen nr.1, Sarandë gjatë një konflikti për motive të dobta shtetasi D. G., ka goditur me mjet prerës shtetasin D. R., i cili ka marrë mjekim në spitalin e Sarandës, jashtë rrezikut për jetën. Po punohet për kapjen e shtetasit D. G. Grupi hetimor ndodhet në vendngjarje dhe po punon për përcaktimin e shkaqeve të ngjarjes.
