Drejtori i Përgjithshëm i Policisë së Shtetit, Gledis Nano ka deklaruar të enjten se për të gjithë efektivët që morën pjesë në menaxhimin me minimumin e incidenteve të tifozëve para, gjate dhe pas Ligës së Konferencës do të jepet një shpërblim.
Në fjalën e tij, Nano theksoi se tifozët problematikë, ata janë identifikuar dhe dosjet i janë dërguar autoriteteve në Itali dhe Holandë më qëllim që akte të tilla të mos përsëriten më.
“Është menduar një shpërblim për punonjësit e policisë dhe po ndjekim procedurat për të arritur në një konkluzion.
Për të gjithë tifozët që janë përfshirë në akte dhunë janë referuar materialet në prokurori. Listat dhe emrat e tyre do ti kalojnë vendeve dhe policive partnerë me qëllim që ata të marrin masa që ngjarje të tilla dhune të mos ndodhin”, theksoi Nano.
