Sektori i turizmit, një nga më të goditurit nga pandemia, më në fund ka shfaqur shenjat e rimëkëmbjes në shumë shtete të botës.
Ndërsa Shtetet e Bashkuara, Japonia, Spanja dhe Franca kryesojnë listën, Shqipëria renditet në vendin e 38-të nga 117 ekonomi në Indeksin Global të Zhvillimit të Udhëtimeve dhe Turizmit(TTDI). Duke u ngjitur me një vend nga e 37-a që ishte në vitin 2019.
“Mbylljet e Covid-19 kanë ritheksuar kontributin e rëndësishëm të udhëtimit dhe turizmit për shumë ekonomi në mbarë botën”, tha Lauren Uppink, Shef i Aviacionit, Udhëtimit dhe Turizmit në Forumin Ekonomik Botëror.
“Ndërsa bota del nga pandemia, ekonomitë duhet të investojnë në ndërtimin e një mjedisi të fortë dhe elastik për të ofruar eksperiencën dhe shërbimet e udhëtimit dhe turizmit për shumë dekada në vijim,” shtoi Uppink.
Ndërsa turizmi i përgjithshëm ndërkombëtar dhe udhëtimet e biznesit janë ende nën nivelet para pandemisë, rimëkëmbja e sektorit është përforcuar nga normat më të larta të vaksinimit, hapja e udhëtimeve dhe kërkesa në rritje për turizmin vendas, kryesisht me fokus natyrën.
Shumë biznese dhe destinacione i janë përshtatur këtyre dinamikave të ndryshimit të kërkesës.
Sipas vlerësimeve, diferenca në ardhjet ndërkombëtare të turistëve midis janarit 2021 dhe janarit 2022 është më e madhe se rritja në total e numrit të turistëve në të gjithë vitin 2021.
Raporti thekson se vendet europiane me të ardhura të larta priren të jenë disa nga interpretuesit më të mirë të TTDI pasi përfshijnë asete kulturore të pasura, transport cilësor dhe infrastrukturë turistike që mundësojnë përthithjen e një numri të madh vizitorësh.
Megjithatë, sezonaliteti i lartë dhe përqendrimi vetëm në disa pika kryesore turistike i bën ata të mbetën nën mesatare.
WEF Travel Tourism Development 2021 by Eri Dervishi on Scribd
