Fiorentina duket se e ka zgjedhur tashmë “dhuratën” e rinovimit të kontratës për teknikun Vinçenzo Italiano, i cili pritet të jetë sulmuesi i Realit, Luka Joviç.
Sipas raportimeve nga “Tuttomercato”.web të dy klubet janë shumë pranë arritjes së marrëveshjes që pritet të finalizohet brenda 48 orëve të ardhshme, me sulmuesin serb që do të transferohet kështu në Serinë A për të provuar një eksperiencë të re pas atyre në La Liga dhe Bundesligë.
Fiorentina dhe Reali do të ndajnë pagën prej 5 milionë eurosh që do të paguhet nga klubet gjatë periudhës së huazimit 1-vjeçar të 24-vjeçarit në Itali./ PANORAMASPORT.AL
Shfaq Komentet (0)