Një çift britanik është vënë në pranga pas bërjes virale të videos ku i jepnin foshnjë s së tyre alkool, saktësisht vodka.
Autoritetet britanike kanë deklaruar se dy personat janë arrestuar për keqtrajtim dhe mizori ndaj të miturve.
“U morën veprime për të mbrojtur personat e përfshirë dhe një burrë dhe një grua u arrestuan nën dyshimin për mizori ndaj fëmijëve”, njoftoi policia britanike.
Në video shihet një grua, e cila besohet se është nëna e fëmijës, që po hedh vodka në një kapak dhe më pas ia jep foshnjës.
Gjatë gjithë kohës, një burrë pa këmishë, që mendohet të jetë babai i vogëlushit, është i pranishëm dhe sheh të gjithë ngjarjen.
Fatmirësisht kjo video u bë virale çka çoi edhe në marrjen e masave nga ana e autoriteteve.
Policia konfirmoi se ata shkuan në shtëpinë e çiftit pas raportimeve, ku mësuan për ngjarjen e tmerrshme.
Në një rast të ngjashëm në vitin 2010, një foshnjë indonezian ndezi internetin pasi u shfaq në një video duke pirë 40 cigare në ditë.
