Kronikë

VIDEO/ Sherri i mori jetën fermerit në Maliq dhe plagosi vrasësin, policia: Konfliti, për motive të dobëta

23:26 - 08.08.22 Gazeta Shqiptare
GSH APP Get it on Google Play

Një ngjarje e rëndë ka ndodhur mbrëmjen e sotme në fshatin Rëmbec të Maliqit, ku ka humbur jetën një person dhe ka marrë lëndime agresori që i mori jetën fermerit.




Për këtë ngjarje të rëndë ku Velo Hazisllari vrau me thikë fqinjin e tij 60-vjeçar Nesti Sotiri, shkaku ka qenë një sherr banal mes dy personave.

Sotiri ka humbur jetën në spital për shkak të plagëve të marra, ndërsa edhe autori ndodhet në spitalin e burgut, pasi edhe ai ka mbetur i plagosur.

 

Njoftimi i policisë:

Më datë 08.08.2022, rreth orës 21:40, jemi njoftuar se në fshatin Rëmbec, Maliq, gjatë një konfliti për motive të dobëta, ishte plagosur me mjet prerës (thikë), shtetasi N. S., i cili pasi mbërriti në Spitalin e Korçës, ka ndërruar jetë.

Menjëherë pas marrjes të njoftimit, shërbimet e policisë janë nisur drejt vendngjarjes ku bënë të mundur edhe identifikimin e autorit të dyshuar të ngjarjes, konkretisht shtetasi V. H., që për shkak të dëmtimeve të marra, ndodhet nën kujdesin e mjekëve në Spitalin e Korçës, me të cilin do të kryen veprimet e mëtejshme procedurale.

Grupi hetimor po punon për sqarimin e plotë të rrethanave të ngjarjes.


Shfaq Komentet (0)

Shkruaj nje koment

Your email address will not be published. Required fields are marked *

* *

This site uses Akismet to reduce spam. Learn how your comment data is processed.