Kryesore

“Ke nostalgji për Tiranën ‘e fuksave’”/ Tedi Blushi-Veliajt: Kryebashkiak i inceneratorëve, betonizimit, kullave

16:29 - 12.08.22 Gazeta Shqiptare
GSH APP Get it on Google Play

Sekretari i Përgjithshëm i Partisë së Lirisë, Tedi Blushi ka sulmuar ashpër kryebashkiakun e Tiranës, Erion Veliaj, pasi ky i fundit iu përgjigjur akuzave të Partisë së Lirisë se e ka bërë kryeqytetin të pajetueshëm, gjatë një inspektimi në shkollën ‘Bashkim Fino’.




Përmes një mesazhi në ‘Facebook’ Blushi i është kundërpërgjigjur Veliajt duke sqaruar se PL-ja e bëri krahësimin e Tiranës me Prishtinën dhe as me Kabulin apo Kopenhagenin.

REAGIMI I BLUSHIT:

TË VËRTETAT E KRIMEVE TË ERION VELIAJ NDAJ TIRANËS!

Erion Veliaj, mbi të cilin bie e gjithë përgjegjësia e madhe për krimet që i ka bërë kryeqytetit, gënjen në stilin e tij të zakonshëm ordiner, sikur Partia e Lirisë gjoja paska krahasuar Tiranën me Kabulin.

Partia e Lirisë krahasimin e ka bërë me Prishtinën, as me Kabulin dhe as me Kopenhagenin.

Qytetarët e Tiranës dhe qytetarët e Prishtinës dallohen sepse:

Çmimet e konsumit në Tiranë janë 47.93% më të larta se sa në Prishtinë.

Çmimet e ushqimeve në Tiranë janë 33.84% më të larta se sa në Prishtinë.

Çmimet e qerasë së banimit për qytetarët në Tiranë janë 38.29 % më të larta se sa në Prishtinë.

Çmimet e restoranteve në Tiranë janë 48.95% më të larta se sa në Prishtinë.

Ku qëndron diferenca e madhe mes Tiranës dhe Prishtinës?

Tirana ka kryebashkiakun e inceneratorëve, të betonizimit dhe kullave që nuk kanë kursyer as objektet e kultit, të shembjes së Teatrit Kombëtar, të korrupsionit (shet me lekë edhe varret e të vdekurve), të pastrimit të parave, të gjobave abuzive, të çmimeve dhe taksave të larta, të shkatërruesit pa ligj të shtëpive të qytetarëve. Ndërsa Prishtina ka një kryebashkiak të përgjegjshëm dhe patriot.

Me një kryetar Bashkie si Erion Veliaj dhe vetëm për shkak të tij, Tirana ka gjithashtu treguesit më negativë në çdo aspekt të jetesës. Dhe meqë bën sikur harron, as Partia e Lirisë dhe as qytetarët nuk harrojnë dhe nuk do ta falin që Tirana në drejtimin e tij, sipas NUMBEO, renditet e fundit në Europë për:

1️⃣. Indeksin e fuqisë blerëse. ( Tirana është në vendin e 207, ndër qytetet më të shtrenjta në Europë për të blerë një shtëpi në raport me të ardhurat)
2️⃣. Indeksin e ndotjes (Tirana është në vendin e 243, më e ndotura në Europë dhe ndër të fundit në botë nga 255 qytete gjithsej).
3️⃣. Indeksin e kostos së jetesës.
4️⃣. Indeksin e sigurisë.
5️⃣. Indeksin e Kujdesit Shëndetësor
6️⃣. Indeksin e kohës së qëndrimit në trafik.
Ndërkohë që rrugët e Tiranës u përmbytën edhe nga shiu i verës që sapo ra tani, vemja e Bashkisë nuk ka ndonjë fjalë për të thënë.


Shfaq Komentet (0)

Shkruaj nje koment

Your email address will not be published. Required fields are marked *

* *

This site uses Akismet to reduce spam. Learn how your comment data is processed.