LAJMI I FUNDIT

COVID-19, Ministria e Shëndetësisë publikon shifrat: Rreth 500 të infektuar dhe një humbje jete gjatë 24 orëve të fundit

16:22 - 14.08.22 K.K
GSH APP Download on Apple Store Get it on Google Play

Ministria e Shëndetësisë ka publikuar bilancin e të infektuarve me Covid19 përgjatë 24 orëve të fundit në vend, duke sqaruar se është regjistruar edhe një humbje jete, specifikisht një qytetare 73 vjeçe nga Tirana.




Sipas të dhënave, janë kryer 1173 testime, nga të cilat kanë rezultuar pozitivë me koronavirus 459 qytetarë.

Ndërkohë, janë 3,421 qytetarë aktivë me Covid19 në të gjithë vendin dhe aktualisht, në spitalin COVID3 po marrin trajtim 25 pacientë.

Njoftimi:

Nisur nga rritja e numrit të qytetarëve të prekur nga Covid19, Ministria e Shëndetësisë i bën sërish thirrje qytetarëve të mos neglizhojnë vaksinimin anticovid, posaçërisht në këtë periudhë të rritjes së kontakteve, për shkak të lëvizjeve përgjatë sezonit veror.

Çdo person mbi 12 vjeç, mund të vaksinohet në qendrat shëndetësore në të gjithë vendin. Gjithashtu MSHMS apelon të gjithë qytetarët e vaksinuar, që të drejtohen në qendrat shëndetësore, për t’u vaksinuar me dozën përforcuese. Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.

Nëse keni shenja të sëmundjes apo keni patur kontakt me një person të prekur nga Covid19, izolohuni menjëherë dhe kontaktoni mjekun tuaj të familjes për t’u testuar sa më parë ose telefononi Urgjencën Kombëtare në numrin unik 127.

Ju informojmë për situatën në 24 orët e fundit, si vijon: Janë kryer 1173 testime, nga të cilat kanë rezultuar pozitivë me COVID19, 459 qytetarë, në këto bashki:
206 në Tiranë, 59 në Durrës, 37 në Fier, 23 në Lushnje, nga 15 qytetarë në Kavzjë, Berat, 14 në Vlorë, 7 në Divjakë, nga 6 qytetarë në Krujë, Vorë, Himarë, Gjirokastër, Tepelenë, 5 në Patos, nga 4 qytetarë në Vau i Dejës, Kamëz, Bulqizë, Mallakastër, Delvinë, Sarandë, Gramsh, nga 3 qytetarë në Shkodër, Dibër, nga 2 qytetarë në Lezhë, Shijak, Roskovec, Kolonjë, Dimal, Poliçan, nga 1 qytetar në Malësi e Madhe, Skrapar.

Janë 3,421 qytetarë aktivë me Covid19 në të gjithë vendin.

Aktualisht në spitalin COVID3 po marrin trajtim 25 pacientë. Në 24 orët e fundit ka një humbje jete me Sars-Cov2: një qytetare nga Tirana 73 vjeçe.
Ministria e Shëndetësisë dhe Mbrojtjes Sociale i shpreh ngushëllimet familjes.
Janë shëruar 241 qytetarë gjatë 24 orëve të fundit, duke e çuar numrin e të shëruarve në 314,812 që nga fillimi i epidemisë.

Statistika (14 Gusht 2022)
Raste të reja ditore 459
Të shëruar në 24 orë 241
Të shtruar në spitale 25
Humbje jete në 24 orë 1

Testime ditore 1173

Testime totale 1,942,205
Raste pozitive 321,804
Raste të shëruara 314,812
Raste Aktive 3,421
Humbje jete 3,571

Shpërndarja gjeografike e rasteve aktive sipas qarqeve:

Tiranë 1,268
Fier 540
Durrës 359
Vlorë 306
Gjirokastër 207
Berat 155
Korçë 131
Shkodër 129
Elbasan 128
Lezhë 122
Dibër 42
Kukës 34


Shfaq Komentet (0)

Shkruaj nje koment

Your email address will not be published. Required fields are marked *

* *

This site uses Akismet to reduce spam. Learn how your comment data is processed.