Gerard Pique dhe Shakira kanë qenë në qendër të vëmendjes muajt e fundit, si për ndarjen, ashtu edhe për sekretet që dalin në dritë tashmë nga lidhja e tyre 12-vjeçare.
Emri i super modeles Bar Refaeli është shtuar në raportimet e fundit për çiftin dikur të dashuruar.
Emri i modeles izraelite është përfshirë në çështjen e divorcit të çiftit, pas deklaratave të gazetarit dhe paparacit spanjoll Jordi Martin, i cili pretendoi se futbollisti dhe modelja shkëmbyen mesazhe romantike dhe u takuan pas ndarjes së Raffaelli nga Leonardo DiCaprio.
Në deklaratat e saj, Rafaeli mohoi të ketë pasur ndonjë lidhje romantike me ish-partneren e saj Shakira: “Ne jemi thjesht miq të mirë”, theksoi ajo.
— Jordi Martin (@jmpaparazzo) September 17, 2022
Më konkretisht, gazetari spanjoll theksoi: “Përçarja mes tyre nisi sepse Shakira gjeti mesazhe me Rafaelin dhe nuk ishin thjesht mesazhe, kishte diçka më shumë. Ata kishin organizuar takime private’.
Në fakt, paparacët kishin shkruar në Twitter: “Informacionin ia dërgova një burimi të afërt me Shakirën disa ditë më parë. Pas pak më në fund arritën të verifikonin lidhjen e Pique-s me Raffaelli-n në vitin 2012. Madje pak ditë më parë fola me një mik të ngushtë të Raffaelli-t, i cili ishte edhe miku im prej shumë vitesh, i cili konfirmoi arsyen e vizitave të shpeshta të modeles në Barcelonë në atë kohë. Shakira u trondit’.
MailOnline ka kontaktuar një përfaqësues të Gerard Pique dhe Bar Refaeli për koment dhe mësohet se futbollisti ka ndërmarrë veprime ligjore ndaj Martinit.
I njëjti gazetar në të kaluarën e kishte kërcënuar futbollistin, se do t’i “nxjerrë” të gjitha detajet pikante të jetës së tij.
“Këtë javë do të dalin në dritë shumë gjëra, të cilat do ta vënë në siklet Gerardin. Do të ekspozoj dy pabesi të tij. Një i vitit 2016, por edhe ai me Clara Chia Marti. Është e tmerrshme se si ai e tradhtoi Shakirën. Është e neveritshme”, ka shkruar ai.
Që në fillim kur shpërtheu skandali i tradhtisë së futbollistit, gazetari mori anën e këngëtares kolumbiane me një deklaratë publike. “Për të gjithë fansat e Shakirës. Unë kam qenë gjithmonë pranë saj. Kam njoftuar edhe ekipin e saj dhe familjarët e ngushtë. Dje i dhashë të gjithë informacionin që mund ta ndihmonte në këtë moment të vështirë”, tha ai.
Njoftimi zyrtar për ndarjen e çiftit
“Me keqardhje konfirmojmë se po ndahemi. Për mirëqenien e fëmijëve tanë, të cilët janë prioriteti ynë më i lartë, kërkojmë që të respektoni privatësinë e tyre. Faleminderit për mirëkuptimin”, kanë theksuar ata në deklaratën e tyre të përbashkët. Kujtojmë se kishte shumë zëra që dëshironin çiftin të divorcohej, me pretendimin se Pique e kishte tradhtuar këngëtaren.
Katalanasi dhe ylli kolumbian kanë dy fëmijë së bashku nga lidhja e tyre 12-vjeçare, Milan, 10 dhe Sasha, 7 vjeç.
E dashura e re e Gerard Pique
Siç është bërë e ditur, Gerard Pique është në një lidhje me 23-vjeçaren Clara Chia Marti. Madje, edhe pse asgjë nuk është konfirmuar, disa media ndërkombëtare kanë folur për shtatzëninë e mundshme të Clara Chia Martit, me të cilën futbollisti ka disa muaj që është në lidhje.
Pas ndarjes nga këngëtarja kolumbiane Shakira, Pique nuk e fsheh më Klarën. Ata janë parë në evente të ndryshme, duke përfshirë edhe një koncert ku ka marrë pjesë edhe familja e ish-lojtarit të Barcelonës.
Pak kohë më parë, Pique ishte me Klarën në dasmën e një prej miqve të tij më të mirë, në Costa Brava të Spanjës. Lojtari ka mbërritur i shoqëruar nga partnerja e tij e re dhe për shkak të fotove të publikuara nga revista Hola kanë nisur zërat për shtatzëninë e mundshme.
