Ky është shqiptari Esmin Ferhati, i cili u plagos nga një punonjëse policie greke gjatë një operacioni policor në konviktet studentore në Universitetin Politeknik në Zografou.
Teksa tentoi t’i shpëtonte efektivëve, ai sulmoi me kaçavidë policen, por kjo e fundit e plagosi me armën e shërbimit në këmbë.
Në pamjet e publikuara nga protothema.gr, shihet pamjet nga kontrollet e kryera gjatë bastisjes së mëngjesit të sotëm në konvikte.
Policia e armatosur ka kontrolluar derë më derë në dhomat e konviktit në kërkim të personave të përfshirë në veprimtari kriminale.
Sipas informacioneve, 30-vjeçari shqiptar, që sulmoi me kaçavidë oficeren e policisë, para se ajo ta qëllonte nga armën e shërbimit, banonte në një nga dhomat e konviktit dhe ka tentuar të arratisej.
Gjatë operacionit raportohet se janë arrestuar 9 persona, mes tyre edhe vëllai i shqiptarit të plagosur.
Dyshohet se konviktet përdoreshin si bazë dhe strehë nga kriminelët, me aktivitet veçanërisht në grabitje dhe trafik droge, në zonën e Zografou, Kaisariani, Bajron dhe Athinë.