Një grup pro-Kremlinit ka marrë përgjegjësinë për një sulm kibernetik në faqen e internetit të Parlamentit Evropian, tha presidentja e këtij institucionit.
“Parlamenti Evropian është nën një sulm të sofistikuar kibernetik. Një grup pro-Kremlinit ka marrë përgjegjësinë. Ekspertët tanë të TI-së po e kundërshtojnë atë dhe po mbrojnë sistemet tona”, tha në një postim në Twitter Roberta Metsola.
“Kjo, pasi ne e shpallëm Rusinë si shtet-sponsor të terrorizmit. Përgjigja ime: #SlavaUkraini”, shtoi ajo.
The @Europarl_EN is under a sophisticated cyberattack. A pro-Kremlin group has claimed responsibility.
Our IT experts are pushing back against it & protecting our systems.
This, after we proclaimed Russia as a State-sponsor of terrorism.
My response: #SlavaUkraini
— Roberta Metsola (@EP_President) November 23, 2022
Pasditen e kësaj të mërkure, faqja zyrtare e Parlamentit Evropian u bë përkohësisht e padisponueshme pasi u hakerua, vetëm disa orë pasi eurodeputetët miratuan një rezolutë që e shpall Rusinë “shtet sponsor të terrorizmit”.
“Parlamenti Evropian është nën një sulm të sofistikuar kibernetik. Një grup pro-Kremlinit ka marrë përgjegjësinë,” tha presidentja e Parlamentit Evropian Roberta Metsola.
“Ekspertët tanë të IT-së…po mbrojnë sistemet tona. Kjo pasi ne e shpallëm Rusinë si shtet-sponsor të terrorizmit.”
“Përgjigja ime: #SlavaUkraini,” shtoi Metsola, duke iu referuar sloganit që do të thotë “Lavdi Ukrainës!”
Zëdhënësi kryesor i Parlamentit Evropian tha se ndërprerja ishte për shkak të “niveleve të larta të trafikut të rrjetit të jashtëm”, pa përmendur ndonjë autor të mundshëm.
“Ky trafik është i lidhur me një evente të sulmit DDOS (Distributed Denial of Service)”, shtoi Duch.
Në rezolutën e miratuar të mërkurën, eurodeputetët denoncuan Rusinë për aktet “brutale dhe çnjerëzore” të shkaktuara ndaj Ukrainës dhe qytetarëve të saj që nga fillimi i pushtimit.
