Një incident është regjistruar këtë të diel në fshatin Zhejë të Kurbinit, ku një sasi baze ushqimore për bagëti është përfshirë nga flakët.
Burimet bëjnë me dije për Gazetën Shqiptare se pranë bazës ushqimore të përfshirë nga flakët gjenden edhe tre banesa, të cilat rrezikohen nga flakët.
Në vendngjarje kanë mbërritur dy automjete dhe forca zjarrfikëse, të cilët po punojnë për të izoluar zjarrin, me mjete profesionale dhe rrethanore.
Në redaksinë e Gazetës Shqiptare kanë mbërritur edhe pamjet nga vendngjarja, ku duket se zjarrfikësit po i hedhin ujë zjarrit për ta neutralizuar sa më shpejt që që të jetë e mundur.
Më herët, u raportua se flakët kishin përfshirë një banesë në fshatin Zhejë. Fatmirësisht, nga incidenti nuk janë shkaktuar viktima apo të lënduar.
