Kronikë

VIDEO/ Organizatë mafioze e trafik droge, DIA ekzekuton 27 urdhra arresti në Itali, 6 prej të akuzuarve shqiptarë!

10:29 - 29.11.22 Gazeta Shqiptare
GSH APP Get it on Google Play

Drejtoria e Hetimit Antimafia ekzekuton 27 urdhra arresti me burg për organizatë mafioze e trafik droge. Gjykata e Lartë e Kasacionit në Itali rrëzoi dhe i cilësoi të papranueshme ankesat e shumicës së të pandehurve në gjyq, pas operacionit të policisë gjyqësore të quajtur “Federico II” dhe ka pranuar kërkesën e Prokurorit të Përgjithshëm pranë Gjykatës së Apelit Leçe, për vendimin e Gjykatës së Apelit Leçe të datës 1 korrik 2020.




25 nga të akuzuarit janë me banim në provincën e Leçes, 1 në provincën e Triestes dhe 1 në provincën e Brindisit, nga të cilat 21 janë italianë dhe 6 me origjinë shqiptare. Dënimet e shqiptuara variojnë nga minimumi 3 vjet deri në maksimum 16.

Veprimtaria hetimore e nisur në gusht të vitit 2012 ka përfunduar në gusht të vitit 2013 me 48 të dyshuar. Në dhjetor të vitit 2016, me kërkesë të Prokurorisë Publike, 21 persona të ngarkuar me përgjegjësi në pozita të ndryshme për krime të shoqatës mafioze, trafik dhe shpërndarje droge u arrestuan.

Hetimi kishte çuar në çaktivizimin e dy organizatave të ndryshme, njëra prej të cilave mafioze e akuzuar për zhvatje dhe trafik droge dhe një tjetër italo-shqiptare e dedikuar për importimin e sasive të mëdha të heroinës nga Shqipëria.

Gjatë veprimtarisë hetimore janë sekuestruar edhe pasuri të luajtshme dhe të paluajtshme për të cilat më pas është urdhëruar konfiskimi, në veçanti 1 vilë; 1 apartament; 2 llogari rrjedhëse; 1 përmbledhje shoqërie e një sipërmarrjeje individuale; 95% e portofolit të biznesit të një kompanie. Operacioni i sotëm u krye me mbështetjen e Rrjetit On Operativ, një rrjet për forcimin e bashkëpunimit ndërkombëtar të forcave të policisë, me përdorimin total të rreth 100 njësive dhe kontributin e patrullave të Policisë së Shtetit, Karabinierëve dhe Guardia di Finanza.


Shfaq Komentet (0)

Shkruaj nje koment

Your email address will not be published. Required fields are marked *

* *

This site uses Akismet to reduce spam. Learn how your comment data is processed.