Një 42-vjeçar është proceduar penalisht nga Policia e Durrësit, pasi gjatë një kontrolli të ushtruar nga shërbimet e PKK Port Durrës, iu gjetën dhe u sekuestruan 8870 paund, 410 euro dhe 50 000 lekë të rinj, të padeklaruara sipas normave ligjore.
Njoftimi i Policisë:
Port Durrës/Shërbimet e Policisë Kufitare, kontrolle intensive, 24/7, me qëllim parandalimin, evidentimin dhe goditjen e krimeve kufitare.
U referuan materialet, si dhe nisi procedimi në gjendje të lirë për shtetasin B. K., 42 vjeç, banues në Sukth, Durrës, pasi gjatë kontrollit të ushtruar nga shërbimet e PKK Port Durrës, në tragetin e linjës nga Italia, me të cilin udhëtonte 42-vjeçari, u gjetën dhe u sekuestruan 8870 paund, 410 euro dhe 50 000 lekë të rinj, të padeklaruara sipas normave ligjore.