Çdo fazë e jetës kërkon vlera të ndryshme ushqyese, duke nisur nga kalciumi dhe hekuri në fëmijëri deri tek proteinat dhe Omega3 në vitet e moshës së artë. Më poshtë do të gjeni dhe ushqimet të cilat duhet t’i konsumoni sipas fazës së jetës që po kaloni!
2-6 vjeç
Vogëlushët janë të njohur për nazet në të ushqyer dhe dëshirën e tyre për të ngrënë vetëm një ushqim specifik. Sipas pediatërve, kësaj moshe i duhen më shumë fibra dhe fruta. Mëngjesi ideal do të ishte një vezë e ndarë në disa porcione të vogla, shoqëruar me pak avokado dhe fruta pas saj. Veza mban vitaminën D dhe hekurin që janë të rëndësishme për kockat dhe zhvillimin muskular.
Po asht veza dhe avokado sigurojnë yndyrna të shëndetshme për zhvillimin e trurit të tyre, frutat ofrojnë disa antioksidantë dhe buka e thekur jep disa fibra dhe karbohidrate për energji.
+12
E rëndësishme për këtë fazë është kalciumi dhe vitamina D, por gjatë kësaj periudhe me shumë gjasa fëmijët refuzojnë të marrin vlerat e duhura ushqyese. Kombinoni frutat për karbohidrate, fara, kosin dhe qumështin. Sigurisht duke mos harruar të përfshini edhe perimet në pjatat e tyre.
Marrja e sasive adekuate të hekurit është thelbësore në këtë fazë si për djemtë ashtu edhe për vajzat. Fasulet janë një burim i shkëlqyer. Ndërroni fasulet e zeza, fasulet pinto ose qiqrat në një taco mëngjesi me një sërë mbushjesh dhe shijesh.
Për shembull, 1 filxhan fasule të zeza të gatuara siguron rreth 5 mg hekur , rreth 30-40% të hekurit të nevojshëm për vajzat dhe djemtë adoleshente, respektivisht. Vezët ose vezët me bazë bimore të bëra nga qiqrat gjithashtu ofrojnë pak hekur në këtë vakt. Vitamina C në domate ndihmon në absorbimin e hekurit jo-hem (hekuri bimor).
Adoleshentët (13-17 vjeç)
Duke qenë se në këtë fazë kanë nevojë për shumë energji pasi janë në proces rritje, vaktet e tyre duhet të jenë të pasura. Vezë, proshutra dhe çdo ushqim tjetër që përmban fibra apo hekur, veçanërisht për vajzat që nisin ciklin menstrual gjatë kësaj moshe. Frutat gjithashtu duhet të jenë të pandashme.
Të rriturit e rinj (18-30)
Mëngjesi tipik i të rriturit mund të jetë një pjatë drithëra, avokado, kos, fruta të freskëta dhe fara, shumë fara. Nëse s’keni kohë mjaftueshëm për këto, një smoothie me banane do të ishte ideale për nevojat tuaja për vitaminë D dhe kalcium. Ose kos grek (qumësht) me fruta të freskëta (manaferra) ose 3) një burrito për mëngjes (vezë dhe kokrra).
Mosha e mesme (40-60)
Një omletë me perime do të ishte opsion i sigurtë. Ose një pjatë me drithëra dhe kos. Fibrat janë thelbësore për tretje të shëndetshme, duke promovuar mikrobet e mira të zorrëve dhe rregullsinë.
+60 vjeç
Ushqime të pasura me proteina për të ruajtur shëndetin e muskujve që kanë tendencën të dobësohen me kalimin e kohës. Frutat e thata, fara dhe drithërat janë gjithashtu të rekomandueshme nëse doni një mëngjes të shëndetshëm.
Si dhe një mëngjes të shijshëm me salmon, i cili përmban yndyrna omega-3 që stimulojnë trurin, vitaminë D, selen, hekur dhe antioksidantë me bazë detare.
