Shumica e njerëzve nuk kanë nevojë për një justifikim për të organizuar një festë, megjithatë tani mund t’i organizoni ato edhe me ‘urdhër të mjekut’.
Hulumtimet e fundit sugjerojnë se festimet mund të ndikojnë pozitivisht në shëndetin dhe mirëqenien tonë, sipas një punimi të botuar në “Journal of Public Policy & Marketing”, një revistë akademike e vlerësuar nga kolegët e publikuar nga Shoqata Amerikane e Marketingut. Hulumtimi tregoi se këto festime kanë nevojë për tre komponentë:
Të mblidheni me njerëz të tjerë
Të hani dhe të pini
Të theksoni një moment historik të rëndësishëm
Festimet përforcojnë mbështetjen sociale të pjesëmarrësve dhe ofrojnë siguri se ata kanë një rrjet social që ju gjendet pranë në fatkeqësi, tregoi njoftimi për shtyp i studimit. Autorja kryesore Danielle Brick, asistente marketingu në “Universitetin e Connecticut” në Storrs, Connecticut thotë në studimin e saj:
T’i blesh vetes një dhuratë urimi për të festuar një arritje nuk është njësoj si të festosh me një darkë me miqtë.
Festimet nuk duhet domosdoshmërisht të jenë ekstravagante për të qenë të dobishme, tha Brick për Fox News Digital. Brick shtoi:
Ata thjesht duhet të shënojnë ngjarjen pozitive të jetës së dikujt dhe të përfshijnë ushqim ose pije me njerëz të tjerë.
Hulumtimi i mëparshëm përcaktoi se mbështetja e perceptuar sociale u jepte njerëzve besimin se të tjerët janë aty për ju në kohë vështirësish në të ardhmen. Mbështetja sociale e perceptuar lidhet me një sërë përfitimesh shëndetësore, duke përfshirë uljen e shkallës së vdekshmërisë, rezultate më të mira të shëndetit mendor, uljen e niveleve të ankthit dhe depresionit, uljen e rrahjeve të zemrës, uljen e presionit të gjakut dhe përmirësimin e cilësisë së gjumit. Brick tha për Fox News Digital:
Mbështetja sociale është shoqëruar vazhdimisht dhe në mënyrë të përsëritur me një shëndet më të mirë fizik dhe mendor (duke përfshirë reduktimin e ankthit dhe depresionit) në kërkimet e mëparshme. Edhe hulumtimi ynë kontribuon me njohuri për një hap i cili shihet si i rëndësishëm në këtë proces.
