Nëse e keni të vështirë të zgjoheni në mëngjes, pa kafen atëherë duhet të dini se ka disa alternativa të tjera.
Edhe pse kafja ka shije të mirë dhe përfitimet e saj shëndetësore, shpesh mund të bëhet edhe e dëmshme për shëndetin tuaj.
Prandaj duhet të reduktoni sasinë e saj dhe tentoni alternativat e mëposhtme:
Bëni një shëtitje në mëngjes
Ideale është të shijoni një ecje në natyrë, në vend që të qëndroni në krevat pasi kjo nuk është aq e dobishme.
Ecja do t’ju ndihmojë në efektet rinovuese për mendjen dhe trupin, sidomos nëse ecni në natyrë dhe dielli i mëngjesit ju shoqëron.
Hani drithëra të plota
Nëse konsumoni karbohidrate si bollgur, tërshëre në mëngjes do ju ndihmojë që të jeni më të vëmendshëm dhe të fokusuar gjatë ditës.
Pini ujë
Në vend që të konsumoni kafe zëvendësojeni atë me një gotë ujë. Kjo do t’ju ndihmojë të jeni më të hidratuar dhe nuk do të ndjeni lodhje. Uji ju ndihmon për të mbajtur trupin tuaj energjik.
Hapni dritaret
Ekspozimi ndaj dritës në mëngjes është thelbësor që të mbani trupin tuaj në sinkronizim me ritmet natyrore të tij. Prandaj sapo të ngriheni nga krevati gjëja e parë që duhet të bëni është të hapni dritaret.
Bëni një dush të ftohtë
Nëse nuk dëshironi të pini një filxhan kafe atëherë përdorni dushin e ftohtë për t’u zgjuar. Uji i ftohtë ju ndihmon për të ndryshuar efektet e lodhjes.