Sërish trazira në veri të Kosovës, sulmohet fizikisht një efektiv policie

Një efektiv policie është sulmuar fizikisht nga një person në pikën e kalimit kufitar në Jarinjë, Kosovë.

Sipas policisë, autori që ka goditur efektivin është larguar në drejtim të paditur.

Punonjësi i policisë aktualisht ndodhet në spital dhe po mbahet nën kujdesin e mjekëve.

Sakaq, autoritetet kanë nisur hetimet dhe po punojnë për identifikimin dhe më pas kapjen e autorit.

Njoftimi i Policisë:

“PKK. Jarinje 21.03.2023-17:50. I dyshuari mashkull kosovar është ndaluar nga Policia për procedura policore, dhe i njëjti duke sulmuar fizikisht njërin nga zyrtarët policor është larguar në drejtim të panjohur të kufirit. Rasti është duke u hetuar, përderisa zyrtari ka pranuar tretman mjekësor”.