Deputetja e PD-së Flutura Açka e cilëson primitivizëm shtetëror sulmin tinëzar në një ditë pushimi mbi Prestige Resort.
Ajo deklaron se është hakmarrje malinje si përgjigje ndaj vlerësimeve negative të raportit të DASH mbi qeverisjen shqiptare.
Sipas saj, kjo sjellje e një regjimi që nuk njeh gjykata, rregulla, kufij, mund të jetë parathënia e një fashistizimi të jetës së shqiptarëve, gjë që kërkon një sensibilizim të fortë publik.
POSTIMI I PLOTË
Primitivizëm shtetëror
Sulmi tinëzar në një ditë pushimi
mbi “Prestige Resort” për konfiskimin e aseteve të tij, është një primitivizëm i hapur shtetëror, një hakmarrje malinje si përgjigje ndaj vlerësimeve negative të raportit të DASH mbi qeverisjen shqiptare.
Fshehja pas çfarëdo justifikimi si edhe heshtja e shpjegimit të këtij akti barbar shtetëror, shkelja e së drejtën së informimit dhe mbrojtjes juridike të bizneseve të shënjestruar si “armike” personale te Edi Ramës, intimidimi me forma fashiste mbi biznesin, fsheh egërsinë e sjelljes mbi median dhe fjalën e lirë.
Kjo sjellje e një regjimi që nuk njeh gjykata, rregulla, kufij, mund të jetë parathënia e një fashistizimi të jetës së shqiptarëve, gjë që kërkon një sensibilizim të fortë publik.
Në vend që të japë llogari për dështimet e njëpasnjëshme të qeverisjes së tij, për skandalin e McConigal, Edi Rama po përpiqet të shkëpusë vëmendjen e publikut nga bëmat e tij, të renditura dy ditë më parë edhe nga raportit i fundit i DASH.
