Një 64-vjeçare mësohet se mbante në shtëpinë e saj trupin e nënës së saj nëntëdhjetëvjeçare , e cila kishte ndërruar jetë të paktën gjashtë, shtatë muaj më parë.
Arsyeja pse 64-vjeçarja e bënte këtë ishte për të vazhduar të marrë pensionin e nënës së saj. Zbulimi është bërë nga karabinierët teksa po kërkonin dokumentet e një RSA fantazmë ku e moshuara duhej të shtrohej në spital, sipas deklaratave të fqinjëve.
Trupi u gjet në gjendje të avancuar dekompozimi në shtratin e saj, tre ditë më parë.
Ishin fqinjët ata që u kërkuan karabinierëve të gjurmonin se ku mund të ishte e moshuara.
Për këtë arsye, ushtarët e Kompanisë Sesto San Giovanni (Milano) u kthyen në Paderno Dugnano dhe filluan të kërkonin të dhëna dhe dokumente që mund t’i ndihmonin të lokalizonin shtetasen, pasi nuk gjetën asnjë gjurmë të 90-vjeçares, u detyruan të kontaktonin qendra të shumta por ata nuk u ndalën, kërkimet vazhduan për disa orë, duke qenë se shtëpia ishte në kushte të pasigurta higjienike, plot me objekte dhe orendi, gjë që vështirësonte gjetjen e dollapëve dhe sirtarëve.
Në një sënduk, në një nga dhomat e shtëpisë, ushtarët gjetën me trupin e Pasqualinës, të mbështjellë me çarçafë dhe të mumifikuar.
Më pas në vend kanë ndërhyrë karabinierët e Seksionit të Vrojtimeve të Komandës Provinciale të Milanos, të cilët kanë nisur hetimet tekniko-shkencore të organizuara nga Prokuroria Publike e Monzës. Trui i pajetë u transportua në Institutin e Mjekësisë Ligjore të Milanos për ekspertizat mjekoligjore të nevojshme për të përcaktuar shkaqet e t vdekjs dhe për të konfirmuar identitetin e nëntëdhjetë vjeçares.
Nga një kontroll i kryer në llogaritë rrjedhëse dhe në zyrën e gjendjes civile, rezultoi se vdekja e 90-vjeçares nuk u komunikua asnjëherë dhe se Sabrina Ghirello merrte rregullisht pensionin, burimin e saj të vetëm të jetesës, në llogarinë e mbajtur bashkërisht. me nënën e saj. / Di Puglia Quotidiano
