AKTUALITET

Afera e Inceneratorit të Fierit/ Pranohet gjykimi i shkurtuar për Alqi Bllakon dhe Lefter Kokën

13:27 - 29.05.23 a.d
GSH APP Download on Apple Store Get it on Google Play

Gjykata kundër Korrupsionit dhe Krimit të Organizuar ka pranuar kërkesën për gjykim të shkurtuar për ish-ministrin e Mjedisit, Lefter Kokën dhe ish-deputetin socialist, Alqi Bllako.




Kërkesa për gjykim të shkurtuar është pranuar edhe për 17 të tjerë të dyshuar si të përfshirë në aferën e inceneratorit të Fierit.

GJKKO gjatë seancës së sotme (29 maj) hodhi poshtë kërkesën e bërë nga Arben Dervishaj dhe Regan Merdani për shpallje të mos kompetencës dhe kalimin e çështjes në Gjykatën e Tiranës.

Gjithashtu u rrëzua kërkesa e të pandehurit Arenc Myrtezani për shpalljen e akteve të pavlefshme.

Kërkesa e SPAK

Prokuroria e Posaçme ka kërkuar 10 vite burg për ish ministrin Lefter Koka si dhe 4 vite burg për ish deputetin e Partisë Socialiste Alqi Bllako.

Mësohet se nga gjykimi i shkurtuar, nëse kërkesa e prokurorisë pranohet nga GJKKO, dënimi për ish ministrin Koka shkon në 6.8 vite burg.

Ndërkohë, për Alqi Bllakon dënimi nga gjykimi i shkurtuar reduktohet në 2.8 vite burg.


Shfaq Komentet (0)

Shkruaj nje koment

Your email address will not be published. Required fields are marked *

* *

This site uses Akismet to reduce spam. Learn how your comment data is processed.