Lirimi nga qelia i Saimir Tahirit/ Berisha: U lirua me urdhër të Ramës pasi e kërcënoi se do të tregonte lidhjet e tij me bandat

Ish-kryeministri Sali Berisha ka komentuar lirimin nga burgu të ish-ministrit të ish-ministrit të Brendshëm Saimir Tahiri.

Sipas Berishës, lirimi i Saimir Tahirit u bë me urdhër të kryeministrit Edi Rama. Po ashtu ai bërë një deklaratë të fortë , ku tha se ish-ministri e kishte kërcënuar Ramën dhe vëllain e tij për lidhjen e tyre me bandat.

“U lirua me urdhër të Edi Ramës pasi Tahiri i çoi ultimatum Edi Ramës dhe Olsit se do të tregojë për lidhjet e tyre me bandat e drogës nga Meksika deri në Azi. Më në fund ai arriti ta mposhtë Edi Ramën, i cili është i mbërthyer nga skandali McGonigal dhe po bën përpjekjet për të shpëtuar me anë të lobimit, por e paralajmëroi se nuk do të shpëtojë”, tha Berisha.