DOSSIER

Faksimile/Kontrabandë droge dhe cigaresh në komunizëm, nën dijeninë e autoriteteve

21:55 - 06.03.17 gsh.al
GSH APP Download on Apple Store Get it on Google Play




Një raportim i gazetës belge “Journal de Geneve”, është publikuar nga  ish-drejtori i arkivave Kastriot Dervishi.  Në dokumentin e bërë publik, në profilin e tij ne rrjetet sociale ai tregon raportimin e gazetës belgë që i është komunikuar ministrit të Brendshëm të kohës se komunizmit, Simon Stefani. Sipas këtij shkrimi të botuar në “Journal de Geneve” është zbuluar një anije me cigare kontrabandë në Bruksel. Sipas gazetës nga Shqipëria mund të bëhet edhe kontrabandë cigare, kokainë ose pije. Por në reagimin e ministrit të Brendshëm shihet një shënim me shkrim dore ku thuhet vetëm: “Shokët e Durrësit të bëjnë kujdes”, ç’ka nënkupton se kontrabanda kishte edhe dijeninë e autoriteteve komuniste të kohës.

Shkrimi i Dervishit

1989/Shkrimi i gazetës “Journal de Geneve” për drogë nga Shqipëria. Kontrabanda e Sigurimit nuk kishte si të mos binte në sy të shteteve europiane. Për vetë dinamikën e zhvillimit të ngjarjes dhe të përfshirjes në këtë aktivitet të shumë firmave dhe individëve, rënia në sy ishte më se normale, pavarësisht nga përpjekjet e shumta për ta fshehur sa më shumë atë. Në lidhje me çështjen gjendet edhe ky shënim: Sipas gazetës “Journal de Geneve” të datë 29 qershor 1989, ditët e fundit është zbuluar një kontrabandë e rëndësishme e cigareve në Bazel. “Sipas brigadës së luftës kundër drogës, cigaret vinin nga përtej Adriatikut. Në Anversë ose në Shqipëri, ato ngarkoheshin nëpër anije që i çonin drejt brigjeve spanjolle. Malli, cigare, për ndoshta dhe kokainë transferohej në anije të shpejta dhe shitej në Spanjë. I gjithë ky trafik organizohej nga firma të rajonit të Bazelit”.Shënimi i ministrit të Punëve të Brendshme, Simon Stefani, më 3.7.1989 për vartësin e tij: “Porosit edhe njëherë shokët që të bëjnë tepër kujdes. Nuk duhet në asnjë çast të ekspozohet vendi ynë. Tepër kujdes do bërë në Durrës, etj”. Siç edhe shihet, ministri nuk shënon asgjë tjetër veç kujdesit që duhej pasur. Ministri nuk pyet në kemi të bëjmë me trafik droge apo jo, por porosit shokët të kenë kujdes. Duke rritur vigjilencën komunistët e kaluan në heshtje edhe këtë problem që po i dilte me perëndimin. Faksimilja e praktikës së asaj kohe.

 

Për të marrë lajmet e fundit të “Gazeta Shqiptare”, ndiq faqen tonë në Facebook.


Shfaq Komentet (0)

Shkruaj nje koment

Your email address will not be published. Required fields are marked *

* *

This site uses Akismet to reduce spam. Learn how your comment data is processed.