Horoskopi

Horoskopi i datës 3 Prill 2017

07:10 - 03.04.17 gsh.al



DASHI

Urani në bashkëveprim me Saturnin ju mbështet dhe ju dhuron intuitën dhe aftësinë për t’u marrë vesh me të gjithë, edhe në heshtje. Mos merrni përsipër shumë angazhime që e dini se nuk keni mundësi t’i menaxhoni. Mësoni të thoni “jo”.

DEMI

Nuk duhet ta ngadalësoni ritmin për të realizuar një projekt me sukses. Ndoshta do t’ju duhet një kohë e gjatë, por ç’rëndësi ka?! Jeni në çift. Neptuni do t’ju ndihmojë të stabilizoheni dhe të ndërmerrni rrugën e qëndrueshmërisë.

BINJAKËT

Për sa u përket ndjenjave, duhet t’i zgjidhni me zgjuarsi personat që frekuentoni nëse nuk doni të humbni kohë me lidhje që nuk ju përmbushin. Do të kuptoni se realiteti, të cilit me raste prireni t’i shmangeni, është më i mirë sesa ëndërrimi.

GAFORRJA

Nëse jeni duke jetuar një histori të bukur dashurie, bëni kujdes për të mos komplikuar atë që është e thjeshtë dhe e drejtpërdrejtë. Kush është beqar, ka mundësi të shkëlqyera për një takim të këndshëm. Organizoni një shëtitje në natyrë për të medituar mbi zgjedhjet tuaja më të fundit.

LUANI

Një e fshehtë sot, një e fshehtë nesër, rrezikoni të mos mbani më mend se cila është kështjella e fantazisë që keni ndërtuar. Më mirë të ktheheni në realitet! Nëse keni në mendje një lidhje nga e kaluara, mos u angazhoni për të ardhmen, madje as në të tashmen.

VIRGJERESHA

Nëse nuk jeni të sigurt për ndjenjat tuaja, mos hyni në lojë: rrezikoni të krijoni ndonjë situatë të pakëndshme, për të cilën mund të pendoheni. Përpara se t’i futeni kokë e këmbë një ndërmarrjeje, do të ishte mirë të vlerësonit të mirat dhe të këqijat.

PESHORJA

Më të paqtë a më pak agresivë, edhe pse duhet të qortoni dikë që nuk është shumë i vëmendshëm. Vëreni veten gjithmonë në pozicionin e tjetrit përpara se ta kritikoni. Në çastin më të posaçëm do të dini gjithmonë t’i rimerrni në dorë frerët e situatës.

AKREPI

Mund të keni ndonjë dhembkë dashurie. Ndoshta duhet të pyesni veten nëse, pak a shumë në mënyrë të pavetëdijshme, jeni ju që i kërkoni shqetësimet. Marsi në bashkëveprim me Venusin do t’ju favorizojë në ndërmarrjen e projekteve të reja. Filloni punën menjëherë.

SHIGJETARI

Tensionet e lidhura me probleme profesionale do të lehtësohen vetëm nga ëmbëlsia e personit të zemrës, që sot do të jetë më e theksuar. Nuk ndiheni të qetë brenda vetes, sepse nuk arrini të zgjidhni midis dy pretendentësh që ju kanë magjepsur.

BRICJAPI

Kini kujdes dhe mos i hidhni shumë benzinë zjarrit të lojërave të pushtetit dhe keqkuptimeve. Jini të drejtpërdrejtë dhe të sinqertë, dhe do të arrini shpejt të gjithë objektivat që i keni vënë vetes. Kërkoni qartësi në raportet në punë te kontaktet e reja.

UJORI

Keni dëshirë të vendosni një mirëkuptim edhe më të thellë me personin e zemrës, që do t’ju kuptojë menjëherë dhe do t’ju dëgjojë. Keni përkrah një partner vërtet të veçantë! Do të zmadhoni rrethin e të njohurve dhe do të krijoni kontakte të shumta me njerëz të ditur.

PESHQIT

Nëse në të kaluarën jeni tërhequr për të qenë vetëm, tashmë keni dëshirë të zbaviteni në grup, duke pranuar çfarëdolloj ndryshimi. Ndryshojini pikëpamjet tuaja për t’iu përshtatur atyre të partnerit tuaj, nëse nuk janë të njëjta.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

This site uses Akismet to reduce spam. Learn how your comment data is processed.