Na ndodh të gjithëve që kur zgjohemi në mëngjes, një pjesë të mirë të kohës për t’u bërë gati e harxhojmë duke u menduar se çfarë të veshim, por ka edhe nga ata që e mendojnë një ditë më parë. Por tashmë kjo “vuajtje” merr fund.
Amazon vjen në treg me pajisjen më të fundit teknologjik i cili do të gjykojë veshjen tuaj. Pajisja është versioni i Echo smart i quajtur Alexa, e cila është ndërtuar nga një algoritëm i cili bazohet në një proces të automatizuar, formë e inteligjencës artificiale dhe që bashkon feedbacku-n e dhënë nga përdoruesit dhe mendimin e ekspertëve të stilit dhe modës.
Kur dëshironi të dini si dukeni, por nuk keni asnjeri aty rrotull, për këtë ju vjen në ndihmë Alexa e cila ju bën një foto apo video.
Kamera është e orientuar në një mënyrë të tillë që bën një foto të plotë të imazhit tuaj nga një distancë e vogël.
Nga aty, përdoruesit mund ta bëjnë share në aplikacionin shoqërues ku mund ta afishojnë në LookBook.
