Një 39-vjeçar është arrestuar nga policia e Korçës, pasi ka ushtruar dhunë fizike dhe psikologjike ndaj babait të tij.
Ngjarja ka ndodhur në fshatin Belorta ndërsa denoncimi për Enkeled Sametin, është bërë nga vetë 66-vjeçari.
39-vjeçari është shoqëruar në ambientet e komisariatit të policisë dhe mbi të rëndon akuza “dhuna në familje”.
Njoftimi i policisë:
Specialistët e Seksionit për Krimet në Komisariatin e Policisë Korçë, bënë kapjen dhe arrestimin në flagrancë të shtetasit:
Enkeled Samet, 39 vjeç, banues në fshatin Belorta.
Arrestimi i tij u bë pasi dyshohet se më datë 11.03.2018, ky shtetas në banesë ka ushtruar dhunë fizike e psikologjike ndaj babait të tij shtetasit E.S, 66 vjeç.
Materialet i kaluan Prokurorisë së Rrethit Gjyqësor Korçë për veprën penale “Dhuna në familje” parashikuar nga neni 130/a/4 të Kodit Penal.