Kronikë

U kap duke transportuar 10.5 kilogram kanabis, arrestohet 48-vjeçari nga Pogradeci

09:33 - 16.04.21 gsh

Një 48-vjeçar nga Pogradeci është arrestuar në fshatin Përrenjas të Elbasanit, pasi gjatë kontrollit në mjetin e tij u gjetën 10.5 kilogram lëndë narkotike e llojit kanabis.



Burimet zyrtare bëjnë me dije se në pranga përfundoi shtetasi A.V.,48 vjeç, banues në fshatin Memelisht, Pogradec.

 

Njoftimi:

Përrenjas

Vijojnë goditjet e njëpasnjëshme ndaj veprimtarisë kriminale në fushën e narkotikëve.

U kap duke transportuar 10.5 kg lëndë narkotike kanabis, vihet në pranga 48-vjeçari.

Në vijim të goditjeve të njëpasnjëshme ndaj veprimtarisë kriminale në fushën e narkotikëve, nga Seksioni për Hetimin e Narkotikëve, në bashkëpunim me shërbimet e Komisariatit të Policisë Përrenjas, u arrestua në flagrancë shtetasi:

  1. V., 48 vjeç, banues në fshatin Memelisht, Pogradec.

Gjatë kontrollit të ushtruar në mjetin tip “Opel”, që drejtohej nga shtetasi A. V., shërbimet e Policisë kanë gjetur 10.5 kilogramë lëndë narkotike kanabis, e cila u sekuestrua në cilësinë e provave materiale së bashku me mjetin dhe një aparat celular.

Materialet hetimore i kaluan Prokurorisë pranë Gjykatës së Shkallës së Parë Elbasan, për veprime të mëtejshme.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

This site uses Akismet to reduce spam. Learn how your comment data is processed.