E përndoqi dhe tentoi të hynte me dhunë në banesën e të resë, arrestohet 34-vjeçarit në Skrapar

Një 34-vjeçar ka rënë në prangat e policisë së Skraparit, pasi akuzohet se ka përndjekur një 26-vjeçare.

Burime zyrtare bënë me dije se pas hekurave ra shtetasi me inicialet O. S., pasi ka bërë kallëzim një shtetase 26 vjeçe, me pretendimin se ai e ka përndjekur, ngacmuar dhe ka tentuar të hyjë me dhunë në banesën e saj.

Gjithashtu, ky shtetas ka ushtruar dhunë fizike dhe psikologjike ndaj familjarëve të tij, në mënyrë të vazhdueshme.

Materialet i kaluan Prokurorisë së Rrethit Gjyqësor Berat, për veprat penale “Përndjekja” dhe “Dhuna në familje”.