Humb kontrollin e mjetit dhe del nga rruga, ndërron jetë 33-vjeçari në Tiranë

Një aksident është regjistruar pas mesnate, në rrugën “Sulejman Delvina” në Tiranë.

Sipas njoftimit zyrtar të policisë, 33-vjeçari R.K., ka humbur kontrollin e mjetit e ka dalë nga rruga. Si pasojë e plagëve të marra, ai ka ndërruar jetë në vendngjarje.

Njoftimi i policisë:

Rreth orës 01:30, në rrugën “Sulejman Delvina” shtetasi R. K., 33 vjeç ka humbur kontrollin e mjetit dhe ka dalë nga rruga, dhe për pasojë ka ndërruar jetë në vendngjarje.

Grupi hetimor po punon për sqarimin e rrethanave të ngjarjes.