Një aksident i rëndë ka ndodhur në lulishten ‘’Artan Lenja’’ në Tiranë teksa një i moshuar ka ndërruar jetë.
Burimet zyrtare bëjnë me dije se furgoni i mallrave ishte duke shkarkuar produkte ushqimore, kur gjatë një manovre kthimi pas aksidentoi një 80-vjeçar. Ky i fundit ka ndërruar jetë në vendin e ngjarjes.
NJOFTIMI NGA POLICIA
Tiranë/Informacion paraprak
Rreth orës 13:00, në rrugën “Artan Lenja” në një lulishte, gjatë shkarkimit të disa produkteve ushqimore në një dyqan mjeti fugon me drejtues shtetasin R.O., 29 vjeç, duke kryer një manovër kthimi pas, ka aksidentuar një shtetas ende të paidentifikuar rreth 80 vjeç, i cili ka ndërruar jetë në vendngjarje.
Grupi hetimor ndodhet në vendngjarje dhe po punon për sqarimin e plotë e rrethanave të aksidentit.
